അസ്തമയം

സൂര്യൻ, 

ചക്രവാളത്തിന്റെയറ്റത്ത്

ഇതളുകൾ പൊഴിച്ച്

ആഴിയിൽ മുങ്ങുന്നൊരു പൂവ്

പോകാൻ മടിച്ച് ഒരു കീറ് മേഘം,

ആകാശത്തിനു ചായം കൊടുക്കുന്നു 

ആളൊഴിഞ്ഞ തീരത്ത്,

ഒഴിഞ്ഞ ശംഖിൽ

ആരോ മറന്നിട്ടുപോയൊരു ചുംബനം

 ചേക്കേറാൻ വെമ്പുന്ന കടൽ കാക്കകൾ

ഒരു കിളിയൊച്ച ദൂരെ.

കടലിനോടു കുശലം പറയുന്ന

കാറ്റിന്റെ ശീൽക്കാരം

ഉറക്കം നടിച്ചൊരു വെള്ളക്കൊറ്റി

 ഒറ്റയ്ക്കു തിരകളെണ്ണി ഞാനും..